Hörmətli müştəri! Saytda texniki işlər ilə bağlı səhvlər ilə üzləşə bilərsiniz. Narahatçılığa görə üzr istəyirik!

Bizimlə əlaqə: (+994 50) 205 11 78, (+994 12) 514 29 04
  

Ünvan

Nərimanov r-nu, Heydər Əliyev prospekti 66/68
(oriyentir — Azərbaycan Dövlət Rəssamlıq Akademiyası, Sirr şirniyyat evinin yanında)

Bizimlə əlaqə: (+994 50) 205 11 78, (+994 12) 514 29 04        

Müsabiqə - Bu kitabın rəssamı mən olsaydım

3 alma “Bu kitabın rəssamı mən olsaydım” adlı rəsm müsabiqəsi elan edir.

Müsabiqə TEAS Press Nəşriyyat Evinin “3 alma” uşaq ədəbiyyat bölməsinin təşkilatçılığı, “Maqsud Ibrahimbəyov yaradıcılıq mərkəzi”, “ECAZ (Art&Hobby Shop)”, “İçərişəhər Dövlət Tarix-Memarlıq Qoruğu İdarəsi” və “LİBRAFF”-ın tərəfdaşlığı ilə həyata keçirilir.

Müsabiqə uşaq və yeniyetmələrin yay tətilini səmərəli şəkildə keçirməsinə fürsət yaratmaq, yaradıcılığını stimullaşdırmaq, əhatə olunduqları mədəni mühitə yanaşma tərzini təkmilləşdirmək, bədii zövqünü inkişaf etdirmək, onlarda mütaliəyə həvəsi artırmaq, Azərbaycan xalqının mənəviyyatının və klassiklərimizin mədəni irsinin daha geniş təbliği məqsədilə təşkil olunur.

Müsabiqədə həm Azərbaycandilli, həm də rusdilli oxucular iştirak edə bilərlər. Nəzərinizə çatdıraq ki,  Maqsud İbrahimbəyovun məşhur hekayələri hər iki dildə – “Uşaqlığın son gecəsi” və “Последняя ночь детства” adı ilə “3 alma” tərəfindən nəşr olunub. Müsabiqədə iştirak etmək üçün ən əsas şərt bu hekayələri oxumaq və kitabdakı hekayələrdən birinin məzmununa uyğun olaraq rəsm çəkməkdir. Kitabı almaq istəyənlər LİBRAFF və digər kitab mağazalarına müraciət edə bilərlər.

Müsabiqə üzrə tələblər:

  • Rəsmlər A3 formatda (ölçüdə) işlənməlidir;
  • Uşaqlar rəsmlərə yaradıcı yanaşmalı və sərbəst işləməlidir;
  • Rəsmlərin işlənmə texnikası sərbəstdir (rəngkarlıq, qrafika , kollaj və s.); 
  • Hər bir iştirakçı müsabiqəyə bir rəsm işi təqdim edə bilər;
  • Müəllif haqqında məlumatlar (Ad, soyad, əlaqə nömrəsi) rəsmin arxa tərəfinə yazılmalıdır
  • Müsabiqədə iştirak edən rəsmlər geri qaytarılmır.

Yaşı 9-16 arası istedadlı uşaq və yeniyetmələr avqustun 25-dək LİBRAFF Park Akademiya mağazasına əsəri təqdim etməklə müsabiqəyə qatıla bilərlər. Ünvan: Hüseyn Cavid pr.100.

Seçim zamanı uşaqların öz duyğu və düşüncələri ilə işlənmiş əsərlər, müəllifin yaşı nəzərə alınmaqla düzgün kompozisiya, rəng seçimi və ideya əsas götürüləcək.

 

Ən yaxşı 10 əsərin müəllifi peşəkar Münsiflər heyəti tərəfindən seçiləcək:

I yer  - 1 nəfər (Qalibə “3 alma”dan 100 man məbləğində kitab hədiyyə olunacaq)

II Yer - 2 nəfər (Qaliblərə “3 alma”dan 50 man məbləğində kitab hədiyyə olunacaq)

III Yer - 3 nəfər (Qaliblərə “3 alma”dan 30 man məbləğində kitab hədiyyə olunacaq)

Əlavə 4 nəfər isə həvəsləndirici mükafatlarla təltif ediləcək.

Bütün qaliblər tərəfdaşlar tərəfindən (“Maqsud Ibrahimbəyov yaradıcılıq mərkəzi”, “ECAZ (Art&Hobby Shop)”, “İçərişəhər Dövlət Tarix-Memarlıq Qoruğu İdarəsi”, “LİBRAFF”) dəyərli hədiyyə paketləri, sertifikat və təşəkkürnamə ilə təltif olunacaqlar.

 

Qaliblərin rəsmləri 3 gün müddətində “Maqsud İbrahimbəyov yaradıcılıq mərkəzi”ndə sərgilənəcək.

 

Əlaqə nömrəsi 050 290 49 03

Məhsullar