Əliyev İsgəndər 2001-ci il Bakı şəhərində anadan olub. Bakalavr və Magistr təhsilini Azərbaycan Dövlət Neft və Sənayə universitetində almışdır. Hazırda mühəndis kimi fəaliyyət göstərir. Bununla yanaşı rəsm çəkmək üçün özünə boş zaman ayırır. Artıq 8 ildən çox olar ki, əsasən "doodle art", "expressionism" və "graphical art" janrlarında rəsmlər çəkir.

"Düşünürəm ki, məni digər rəssamlardan fərqləndirən əsas cəhət təbiətdən və ətraf aləmdən aldığım məlumatlar toplusunu ağ vərəqdə əks etdirərkən xaoitiklikdən harmoniya yaratmaq, onları öz baxış açım və fəlsəfəm ilə birləşdirməyim lakin, eyni zamanda izləyicinin də öz şəxsi fikirlərini bildirəcək qədər rəsmləri geniş baxış açısına, müxtəlif fikirlərə açıq olacaq şəkildə ifadə etmək tərzimdədir. Mənim rəsmlərdə canlandırdıqlarım mütləq olaraq belə qəbul edilməli deyil əksinə, fərdin müstəqil düşüncə tərzi ilə müəyyənləşdirilməlidir. Çəkdiyim rəsmlərdə əsas məqsəd digər insanlarla öz dünyagörüşümüzü müqaisə etmək üçün zəmin yaratmaq, fərqlilikləri görmək və fikirlərimizi bölüşmək imkanı qazanmaqdır."